Sprache
Istorgia
Shop


Recetta


 

Tanter 26 propostashan las Schaibiettas da Terza guada-gnà la concurrenza “Specialità Val Müstair”, ün proget inizià da movingAlpsValMüstair. Tuot la populaziun ha gnü la pussibiltà da tour part. Maria Truttmann-Conrad, la ven-dschadra, es üna duonna, mamma e nona da Müstair chi ha fat renascher üna recetta veglia, ün’algordanza da si’infanzia. Plü bod mangiaivan ils paurs ed impustüt eir ils uffants süls pas-chs sco marenda zücher e flöchs d’avaina, brassà in ün test. Ella ha sviluppà inavant la recetta, uschea co ch’ella as preschainta hoz:

 

 

Recetta: flöchs d’avaina, zücher, painch, farina da furmaint, nitschoulas, övs Val Müstair, meil d'aviöls Val Müstair, zücher da vaniglia, puolvra d’alvar, sal da cuschinar.


Las pappas as tegnan lönch e bain schi’s conserva ellas serrà ed in ün lö süt.