Sprache
Istorgia
Recetta
Shop


Perche il nom “Schaibiettas da Terza”?


 

Schaibiettas deriva dal nom da cuntrada “Schaibias” chi’d exista sül territori dals trais cumüns Lü, Valchava e Sta.Maria in Val Müstair. Quist nom as chatta in differentas variantas in tuot il Grischun, in Svizra tudais-cha, in Germania ed eir pro noss vaschins dal tirol dal süd. El descriva il lö ingio chi’s faiva plü bod il “trar schaibias”, ün cult vegl da sulai, chi vain hoz amo pratichà in tscherts lös tanter il temp da carnaval e la festa da Son Jon, ils 24 da gün.

Las pappas han la fuorma d’üna schaibgia da sulai ed as rechattan eir sco sulai süll’imballaschi aint il logo nouv da la Val Müstair.

“Da Terza” hana nom, perche cha’ls lös “Schaibias” as chatta süllas spuondas dal Piz Terza, il Piz central da la Val Müstair, circundà dals ses cumüns Tschierv, Lü, Fuldera, Valchava, Sta.Maria e Müstair.